Мақсаты: оқушының тұлғалық дамуына бағытталған АКТ — мен оқытуды оқу — тәрбие процесіне енгізу. Заман талабына сай іскер, жан — жақты, терең білімді, интеллектуалдық деңгейі жоғары дамыған шәкірт тәрбиелеу.
Іс-тәжірбиенің өзектілігі: қазақ тілі сабағында АКТ — ны қолдану арқылы оқушылардың білім деңгейін арттыру.
Г.Қуандықова іс-тәжірбие барысында өзінің қойын дәптерінен қазақ тілі мен әдебиеті сабағында мұғалімге тиімді, оқушыларға қызықты, сабағында пайдаланып жүрген Classroomscrin-онлайн тақтасы, Padlet-тақтасы, анимацияланған презентациялар, Spiral-мәтін, “Сағат дос” әдісі, “Бес қадам” әдісі туралы түсіндірді. Іс- шараға қатысып отырған мұғалімдерге түрлі әдістер туралы пікір алысып, жас мамандармен бірге қызықты анимацияланған презентация "Ғаламшардағы қазақ тілі ережелері" тақырыбында ойын ойнатты. Күзгі каникул уақытында өткізілген бұл іс-тәжірибе мектеп мұғалімдерін бір серпілтіп тастады.
