Көркем әдебиет - бейне, талғам, құндылық, сөз өнері. Жалпы әдебиетті оқытуда оқушыларды сөйлету, олардың сыни пікірлерін айтқызу, тыңдау өте маңызды! Алдымен шығарманың идеясын тауып, тақырыбына талдату , бүтінді бөлшектеу, құбылту, сөз маржанын төгіп-төгіп жіберіп, жансызға жан бітіру - бәрі-бәрі шегі мен шеті жоқ дәріс. Алайда тәжірибе алмасу- бөлек әлем.
Осы орайда, №8 П.Д.Осипенко мектебінің қазақ тілі мен әдебиеті пән апталығы аясында Г.Демеуованың 5 «А» сыныбында өткізілген « Қыпшақ Сейітқұл» әңгімесі шәкірт жүрегін жаулап алып, кітап оқуға деген ынталарын арттырды. Бұл сабақтың оқу мақсаты: 5. 3. 3. 1 шығармадағы кейіпкерді өзіндік құндылығы тұрғысынан талдап, эссе жазу. Сабақ мақсатында шығармадағы кейіпкерді өзіндік құндылығы тұрғысынан талдап, эссе жазуға дағдыландыруға арналған бағалау критерийлері болды. Сабақ құрылымы жаңартылған білім мазмұны бойынша блумның этаптарымен жүзеге асқан.Жеке, жұптық, топтық жұмыстар әр түрлі әдіс-тәсілдер арқылы орындалды. «Қабілет», Еңбек», «Мақсат», «Тұлға» топтарының жұмысы «Даму картасы» арқылы бағаланып отырды.
Қорыта айтқанда, талдау, шығармашылық жұмыстар, проблемалық сипаттағы іздендіру сұрақтары, «қуыршақ театрындағы» кейіпкерлердің кері байланысы қатысушы жас мамандарға жетекші әдістер болмақ...
