Ерлік даңқы ешқашан да өшпейді
П.Д.Осипенко атындағы №8 орта мектебінде мамыр айының екісі күні «Ерлік даңқы ешқашан да өшпейді» тақырыбында мерекелік іс-шара өткізілді.
Мақсаты:«Ешкім де, ештеңе де ұмытылмайды» деген қағиданы ұстана отырып, жас ұрпақты тарихымызды тереңнен тануға баулу. Оқушылардың Отан тарихына деген сүйіспеншіліктерін арттыру, жеңіс салтанатын көре алмай кеткен боздақтардың ерлік істеріне тағзым етуге, өз халқымыздың тарихын құрметтей білуге үйрету.
Мектеп директорының тәрбие ісі жөніндегі орынбасары Жұмаділда Карима Жанайдарқызының ұйымдастыруымен өткізілген мерекелік шараға 4-сынып оқушылары мен сынып жетекшілері Жусупназарова Жанар, Сәрсенбаева Гүлайна және мектеп директоры Абашова Айнұр Құрманғазықызы қатысты. Сонымен қатар, шара барысында «Мәңгілік алау» ескерткішіне барып, Ұлы Отан соғысында қаза тапқан батырларымызға тағзым етіп, гүл шоқтарын қою рәсімі болып өтті.
