Ортақ мекен жер шары,
Төбемізде бір аспан
Барлық ұлттың баласы,
Достығымыз жарасқан.
Ортақ бізге бір Отан,
Еңбек ортақ, жыр ортақ.
Ортақ бізге барлығы,
Байлықтың ең үлкені — халықтар достығы.
Жиырма сегізінші сәуір күні П.Д.Осипенко атындағы #8 орта мектебінде 1-мамыр Қазақстан халқының бірлігі күніне орай "Татулық-достықтың киелі бесігі" тақырыбында мерекелік іс-шара болып өтті.
Мақсаты: Біздің елімізде тұрып жатқан басқа да халықтардың озық мәдениетін, өзіндік үлгі - өнегесін оқушылардың бойына сіңіру.
Шара барысында мектебіміздің өнерлі өрендері әннен шашу шашып, мың бұралған бишілер биден тарту тартты. Сонымен қатар, бір шаңырақ астында өмір сүріп жатқан ұлт өкілдерінің ұлттық тағамдары мен салт-дәстүрлері таныстырылды. Мерекелік кеш "Атамекен" әнімен қорытындыланды.
Барша Қазақстандықтарды айтулы мерекемен құттықтаймыз!