Тіл- адамзаттың үлкен қаруы. Тіл арқылы өткен ұрпақ, қазіргі және келешек ұрпақ тұтастық пен бірліктің мызғымас беріктігін көреді.
Адамның еркі мен еңбегі небір кереметтерді тудырады. Осы орайда, П.Д.Осипенко атындағы №8 орта мектебінде 06 -09 қыркүйек күндері Ұлтымыздың ұлы ұстазы Ахмет Байтұрсынұлының 150 жылдық мерейтойы мен «Тіл- ұлттың жан дүниесі» тақырыбындағы тіл мерекесі ауқымды түрде атап өтілуде. Аталмыш шараның ашылу салтанаты «Ана тілі» атты поэтикалық марафоннан бастау алып, мектеп төрін шадыман шаттыққа бөледі.
Кеш жалғасын тапты.Дулат Бабатайұлының туғанына – 220 жыл толуына орай «Зар заманды жырлаған, сөзін тыңда Дулаттың!» атты ақын шығармашылығы бойынша 07.09.2022 күні 5-7 сыныптар арасында интеллектуалды сайыс өткізілді.
Сайыс ІІІ айналымнан тұрды:І айналымда «Жылдам жауап» әдісі бойынша оқушылар Дулат Бабатайұлының өмірі мен шығармашылығынан құралған сұрақтарға белсенді түрде жауап берді.
-ІІ айналымда оқушылардың шығармашылық және суырып салма қабілетін арттыру мақсатында берілген шумақтарды толықтырып, өз әлемімен байланыстыра өлең шығарды.
- ІІІ айналым бойынша ақынның шығармаларынан үзінді берілді. Оқушылар өлеңнің құрылымын талдап, түсінік берді. Осылайша, белсенділік танытқан оқушылардың шеберлігіне әділқазы мүшелері және көрермендер тәнті болды. Сайыс соңы марапаттар шеруіне ұласты.
